ПАЛАТА ТУРАЛЫ
«Kazakhstan Bar Association» (KazBar) – Қазақстан Республикасының жетекші заң консультанттары палаталарының бірі болып табылады. Палата өзін-өзі реттейтін ұйым мәртебесінде қызмет атқарып, жоғары білікті заң консультанттарын, жетекші ұлттық және халықаралық заң фирмаларының, корпоративтік сектордың, консалтинг саласының және академиялық қауымдастықтың өкілдерін біріктіреді.
Палата заң консультанттарының қызметін реттейді, кәсіби стандарттар мен Кәсіби әдеп кодексінің сақталуын белгілейді және қамтамасыз етеді, көрсетілетін заң көмегінің сапасын бақылайды, өз мүшелерінің кәсіби мүдделерін қорғайды және заң қызметтері нарығында адал бәсекелестіктің дамуына ықпал етеді.
500+
Қазақстан бойынша белсенді мүшелер
40+
өткізілген семинарлар мен түрлі іс-шаралар
11
кәсіби мамандану бағыттары
7
салалық комитет
KazBar кәсіби мамандары
KazBar Палатасының құрамына жоғары кәсіби біліктілігі, мінсіз іскерлік беделі және ұлттық әрі халықаралық ауқымдағы ірі жобаларды сүйемелдеуде мол тәжірибесі бар Қазақстанның жетекші заң консультанттары кіреді.
#Мүшелік артықшылықтары
KazBar-ға мүше болудың артықшылықтары
Заң нарығы көшбасшыларының кәсіби қауымдастығы
KazBar жетекші халықаралық және ұлттық заң фирмаларының, корпоративтік сектордың, консалтингтік компаниялардың және академиялық қауымдастықтың заң консультанттарын біріктіреді.
Кәсіби құзыреттілікті дамыту
Білім беру бағдарламалары, конференциялар, дөңгелек үстелдер, кәсіби іс-шаралар және Қазақстан мен шетелдің жетекші сарапшыларымен тәжірибе алмасу.
Палата мүшелерінің мүдделерін қорғау
Мемлекеттік органдармен өзара іс-қимыл барысында мүшелердің мүдделерін білдіру, кәсіби қызметті қолдау және заң консультанттары институтын дамыту.
Заңнаманы дамытуға қатысу
Сараптамалық қорытындылар дайындауға, нормативтік құқықтық актілер жобаларын талқылауға және заңнаманы жетілдіру мәселелері бойынша сарапшылық алаңдардың жұмысына қатысу.
KazBar мүшелеріне арналған халықаралық мүмкіндіктер
Біз KazBar мүшелігінің кәсіби дамуға, біліктілікті халықаралық деңгейде тануға және әлемнің жетекші заң ұйымдарымен ынтымақтастық орнатуға жаңа мүмкіндіктер ашуы үшін жұмыс істейміз.
Мысалы, Палата мүшелеріне Англия мен Уэльс солиситорының біліктілік емтиханының (SQE2) практикалық бөлігінен босатылу мүмкіндігі ұсынылады.
KazBar-ға қосылуға дайынсыз ба?
Жоғары кәсіби стандарттарды қалыптастыратын, заңнаманы дамытуға үлес қосатын және өз мүшелеріне жаңа мүмкіндіктер ашатын кәсіби қауымдастықтың мүшесі болыңыз!
Сұрақтарға жауаптар
Сұрақтарыңыз қалды ма? Сұрағыңызды тікелей қойыңыз — біз қуана жауап береміз.
1. Палатаға мүшелікке өту үшін қандай құжаттар қажет?
Мүшелікке қабылдануға қойылатын талаптар мен қажетті құжаттардың толық тізімі «KazBar-ға қосылу» батырмасында қолжетімді.
2. KazBar мүшесі кім бола алады?
Қазақстан Республикасының «Адвокаттық қызмет және заң көмегі туралы» Заңының және Палата Жарғысының талаптарына сәйкес келетін кез келген тұлға KazBar Палатасына мүше бола алады. Негізгі талаптарға жоғары заңгерлік білімнің болуы, заң мамандығы бойынша кемінде екі жыл еңбек өтілі және аттестаттаудан сәтті өту жатады. Талаптардың толық тізімі «KazBar-ға қосылу» бөлімінде орналастырылған
3. Өтініш қанша уақытта қаралады?
Құжаттар толық көлемде ұсынылған және кандидат Қазақстан Республикасы заңнамасының талаптарына сәйкес келген жағдайда, өтінішті қарау мерзімі 14 күнтізбелік күннен аспайды.
4. Мүшелік жарнаның мөлшері қандай?
Мүшелік жарналардың өзекті мөлшерімен «Мүшелік» → «Мүшелік жарналар» бөлімінде таныса аласыз.
5. Палата мүшесі болмай-ақ оқыту іс-шараларына қатыса аламын ба?
Палатаның білім беру іс-шаралары тек KazBar мүшелеріне арналған. Палатаға мүше болғаннан кейін Сіз семинарларға және өзге де білім беру іс-шараларына қатыса аласыз, сондай-ақ серіктестеріміздің арнайы ұсыныстарын, оның ішінде шетелдегі оқу бағдарламалары мен тағылымдамаларды пайдалана аласыз. Жаңалықтарымызды қадағалаңыз!
