Айгуль Кенжебаева — Dentons Kazakhstan заң фирмасының серіктесі.
Қазақстанда инвестициялаудың құқықтық және салықтық аспектілері жағынан мол тәжірибесі бар. 35 жылдан астам заңгерлік тәжірибесі мен құқық экономикасы саласындағы 12 жыл ғылыми жұмысы барысында қалыптасқан қызметінің негізгі бағыттарына энергетика және табиғи ресурстар, корпоративтік құқық, кәсіпорындардың қосылуы және жұтылуы (M&A), МЖӘ және инфрақұрылым жобалары, зияткерлік меншік, монополияға қарсы құқық және дауларды шешу кіреді. Сот талқылауы және халықаралық төрелік, соның ішінде коммерциялық және инвестициялық даулар бойынша маманданған, кеңесші және төреші ретінде қызмет атқарады.

Беделді халықаралық анықтамалықтар мен жергілікті басылымдарда шыққан Қазақстан туралы көптеген жарияланымның авторы болып табылады. Жетекші конференцияларға жүйелі түрде қатысып, Қазақстанда бизнес жүргізу кезінде отандық және шетелдік компаниялар тап болатын негізгі мәселелерді талқылайды.

Қазақстандағы дауларды шешу саласындағы үздік мамандардың бірі деп танылған ол 2017 жылы Халықаралық сауда палатасының Халықаралық төрелік сотының мүшесі болып тағайындалған алғашқы қазақстандық заңгер атанды.
Сонымен қатар Қазақстан Жоғарғы сотының жанындағы Халықаралық кеңестің мүшесі және АХҚО жанындағы Халықаралық төрелік орталығының төрелік алқасының мүшесі болып табылады.

• Дьюк Университетінің Құқық мектебі, 1993 жыл: Құқық магистрі (LLM)
• Ташкент мемлекеттік университеті, 1988 жыл: Ғылым кандидаты (PhD)
• Қазақ мемлекеттік университеті, 1978 жыл: «заңгер» мамандығы бойынша жоғары заң білімі

• Серіктес, Dentons (2022 – қазіргі уақытқа дейін)
• Басқарушы серіктес, Dentons, (2017-2022)
• Басқарушы серіктес, Dentons (бұрынғы Salans), (1994-2017)

Chambers & Partners
The Legal 500
IFLR1000
Lexology