KazBar Палатасына кіру
Құрметті үміткер!
«Kazakhstan Bar Association» заң консультанттар палатасына (бұдан әрі – «KazBar Палатасы») қызығушылық танытқаныңыз үшін алғыс айтамыз!
KazBar Палатасына ҚР «Адвокаттық қызмет және заң көмегі туралы» заңында және KazBar Палатасының Жарғысында белгіленген талаптарға сәйкес келетін кез келген заң консультанты кіре алады.
KazBar Палатасы Жарғысының 4.2-тармағына сәйкес, Палата мүшесі болып Қазақстан Республикасының аумағында тұрақты тұратын Қазақстан Республикасының азаматы, сондай-ақ Қазақстан Республикасының аумағында тұрақты тұратын шетел азаматы келесі біліктілік талаптарына сәйкес келген жағдайда қабылданады:
- Жоғары заң білімі бар;
- Заң мамандығы бойынша кемінде екі жыл жұмыс өтілі болуы;
- Аттестаттаудан табысты өтуі (аттестаттау кезеңдері туралы толық ақпарат төменде берілген);
- Заң көмегін көрсетуі;
- Палатаның талаптарына сәйкес болуы;
- KazBar Палатасының Жарғысын мойындау;
- KazBar Палатасының идеялары мен жұмыс қағидаттарын қабылдауы.
Егер Сіз жоғарыда көрсетілген талаптарға сәйкес келсеңіз, KazBar Палатасының мүшесі бола аласыз.
KazBar Палатасына мүшелікке қабылдану үшін төмендегі талаптарды орындауыңыз қажет:
1. Келесі құжаттарды ұсыну:
- белгіленген үлгідегі өз қолыңызбен толтырылған өтініш (KazBar Палатасына мүшелікке қабылдау туралы өтініш);
- жеке куәлік немесе паспорт;
- жоғары заң білімі туралы құжат (бакалавр дәрежесінің берілгенін растайтын жоғары оқу орнының дипломы);
- өтелмеген немесе алынбаған соттылығының жоқтығын растайтын анықтама;
- заң мамандығы бойынша кемінде екі жыл жұмыс өтілін растайтын құжаттар;
- психиатриялық және наркологиялық диспансерлерден алынған анықтамалар;
- Қазақстан Республикасының заңнамасын білу бойынша тестілеуден өткені туралы қорытынды*;
- түйіндеме.
*бұл құжатты Сіз төменде көрсетілген аттестаттау тәртібіне сәйкес тестілеуден сәтті өткеннен кейін аласыз. Аталған қорытынды KazBar Палатасына мүшелікке қабылдау үшін ұсынылатын құжаттар топтамасының құрамына енгізіледі.
Заң мамандығы бойынша жұмыс өтілін растау.
Заң мамандығы бойынша жұмыс өтілін растау үшін еңбек кітапшасының сканерленген көшірмесін ұсыну қажет.
Еңбек кітапшасы болмаған жағдайда еңбек қызметін растайтын негізгі құжаттардың сканерленген көшірмелері ұсынылады, атап айтқанда:
- Еңбек шарты (қажет болған жағдайда құпия деректерді жасыруға болады);
- Заңгер мамандығы бойынша лауазымға тағайындау, басқа жұмысқа ауыстыру, жұмыстан босату және т.б. туралы бұйрықтар;
- Егер лауазымның атауы заңгерлік қызметті тікелей көрсетпесе, лауазымдық нұсқаулық
Назар аударыңыз:
Жұмыс берушінің анықтамалары, «Азаматтарға арналған үкімет» мемлекеттік корпорациясы» КЕАҚ (БЖЗҚ) берген үзінді көшірмелер және өзге де ұқсас құжаттар тек қосымша растайтын құжаттар ретінде қарастырылады және негізгі еңбек құжаттарын алмастырмайды.
Сондай-ақ заң мамандығы бойынша жұмыс өтілін сенімді түрде растайтын өзге де ресми құжаттарды ұсынуға жол беріледі
- Жоғарыда көрсетілген құжаттарды сканерлеп, KazBar Палатасының заңгері Алина Жұмахановаға келесі электрондық пошта мекенжайы бойынша жіберуіңізді сұраймыз: lawyer@kazbar.org.kz.
- Ұсынған құжаттарыңыз Қазақстан Республикасы заңнамасының және KazBar Палатасы Жарғысының талаптарына сәйкестігі тексерілгеннен кейін KazBar Палатасының Атқарушы органынан тестілеуге ресми жолдама алу.
- Аттестаттаудың бірінші кезеңінен — Қазақстан Республикасының заңнамасын білу бойынша міндетті кешенді тестілеуден өтіп, «Қазақстан Республикасы Президентінің жанындағы Мемлекеттік басқару академиясы» РМҚК берген қорытындыны тестілеу нәтижелерімен бірге KazBar Палатасының заңгері Алина Жұмахановаға lawyer@kazbar.org.kz электрондық поштасына жолдау.
- Аттестаттаудың екінші кезеңінен өту — офлайн немесе онлайн форматында өткізілетін сұхбатқа қатысу немесе Аттестаттау комиссиясының Сіз ұсынған құжаттар топтамасын қарауын күту.
- Аттестаттау комиссиясы мен KazBar Палатасы Басқармасының шешімін күту. Өтініш толық құжаттар топтамасы ұсынылған және Қазақстан Республикасы заңнамасының талаптарына толық сәйкес келген жағдайда 14 күнтізбелік күннен аспайтын мерзімде қаралады.
