Палата туралы
Kazakhstan Bar Association (KazBar) - міндетті мүшелікке негізделген өзін-өзі реттейтін ұйым мәртебесінде қызметін жүзеге асыратын Қазақстан Республикасының жетекші заң консультанттары палаталарының бірі. Палата заң көмегін көрсету саласындағы қызметті реттеу, сондай-ақ өз мүшелерінің Қазақстан Республикасы заңнамасының, Палатаның қағидалары мен стандарттарының және Кәсіби әдеп кодексінің талаптарын сақтауына бақылау жасау мақсатында құрылған.
KazBar заң консультанттарын, жетекші халықаралық және ұлттық заң фирмаларының серіктестері мен заңгерлерін, корпоративтік сектордың, консалтингтік компаниялардың және академиялық қауымдастықтың өкілдерін біріктіріп, Қазақстандағы заманауи заңгерлік кәсіптің дамуына ықпал ететін кәсіби қауымдастықты қалыптастырады.
Палатаның қызметі заңдылық, тәуелсіздік, өзін-өзі басқару, ашықтық, мүшелердің құқықтары мен міндеттерінің теңдігі, өзара қолдау және олардың кәсіби мүдделерін қорғау қағидаттарына негізделеді.
Палатаның тарихы
KazBar Қазақстанның заң нарығының жетекші өкілдерін біріктіреді және заң қызметтері саласындағы негізгі кәсіби ұйымдардың бірі болып табылады.
2012
2012 жылғы 14 тамызда «Kazakhstan Bar Association» коммерциялық заңгерлер алқасы құрылды.
2019
2019 жылғы 28 маусымда KazBar Қазақстан Республикасының «Өзін-өзі реттеу туралы» заңына және «Адвокаттық қызмет және заң көмегі туралы» заңына сәйкес республикалық қоғамдық бірлестіктен (РҚБ) Заң консультанттары палатасы болып қайта ұйымдастырылды
Қазіргі уақыт
Даму жылдарының ішінде KazBar ұлттық және халықаралық жетекші заң фирмаларының, корпоративтік сектор мен консалтинг саласының 500-ден астам заң консультантын біріктіретін мықты кәсіби қоғамдастыққа айналды. Палата заң консультанттарының қызметін реттейді, сапа және кәсіби әдеп стандарттарын белгілейді, өз мүшелерінің қызметін бақылау мен құқықтарын қорғауды қамтамасыз етеді, сондай-ақ ашық, бәсекелі және кәсіби деңгейі жоғары нарықтың дамуына ықпал етеді.
Палата мүшелері
KazBar құрамына жетекші заң фирмаларының, корпоративтік сектордың, халықаралық аудиторлық компаниялардың және академиялық қауымдастықтың өкілдері кіреді. Палата мүшелерінің қатарында ірі халықаралық және қазақстандық заң фирмаларының серіктестері мен заңгерлері, ірі компаниялардың заң департаменттерінің мамандары, сондай-ақ еліміздің жетекші жоғары оқу орындарының оқытушылары мен ғалымдары бар.
Халықаралық заң фирмалары:
Dentons, White & Case, Aequitas, Grata International, Centil, Kinstellar, Baker & McKenzie.
Ұлттық заң фирмалары:
Olympex Advisers, Signum, Unicase, Synergy Partners, Zan Hub, ADL Disputes, Haller Lomax, Artyushenko & Partners, Fortune Partners, Salus Legal, KP Disputes
Корпоративтік заңгерлері
Chevron, ERG, Теңізшевройл, NCOC, AIFC, Freedom, Verny Capital, Samsung және басқа да компаниялардың.
Бұдан бөлек, PwC, E&Y, KPMG, Deloitteсынды халықаралық және қазақстандық аудиторлық фирмалардың заңгерлері, сондай-ақ KIMEP және өзге де ЖОО ғалым-заңгерлері KazBar палатасына мүше болып табылады.
Серіктестер және ынтымақтастық
KazBar Палатасы және оның мүшелері мемлекеттік органдармен, кәсіби бірлестіктермен, білім беру мекемелерімен және халықаралық ұйымдармен белсенді түрде ынтымақтасады.
I. Қазақстан Республикасының мемлекеттік органдары
- Қазақстан Республикасының Жоғарғы Соты
- Қазақстан Республикасының Жоғары Сот Кеңесі
- Қазақстан Республикасының Әділет министрлігі
- Қазақстан Республикасының Ұлттық экономика министрлігі
II. Қазақстандық ұйымдар
- «Атамекен» ҰКП
- АХҚО (AIFC)
- Самұрық-Энерго
III. Жоғары оқу орындары
- KIMEP University
- Maqsut Narikbayev University
- Narxoz University
- «Әділет» ЖҚМ
- AlmaU
- Әл-Фараби атындағы ҚазҰУ
- Қонаев университеті
IV. Шетелдік және халықаралық кәсіби ұйымдар
- LAWASIA
- The Law Society of England and Wales
- The Bar Council of England and Wales
- Solicitors Regulation Authority
- International Bar Association*
- Chengdu Bar Association
- Beijing Lawyers Association
*Сонымен қатар, KazBar Халықаралық заңгерлер қауымдастығының (International Bar Association, IBA) мүшесі болып табылады.
Сұрақтарға жауаптар
Сұрақтарыңыз қалды ма? Сұрағыңызды тікелей қойыңыз — біз қуана жауап береміз.
1. Палатаға мүшелікке өту үшін қандай құжаттар қажет?
Мүшелікке қабылдануға қойылатын талаптар мен қажетті құжаттардың толық тізімі «KazBar-ға қосылу» батырмасында қолжетімді.
2. KazBar мүшесі кім бола алады?
Қазақстан Республикасының «Адвокаттық қызмет және заң көмегі туралы» Заңының және Палата Жарғысының талаптарына сәйкес келетін кез келген тұлға KazBar Палатасына мүше бола алады. Негізгі талаптарға жоғары заңгерлік білімнің болуы, заң мамандығы бойынша кемінде екі жыл еңбек өтілі және аттестаттаудан сәтті өту жатады. Талаптардың толық тізімі «KazBar-ға қосылу» бөлімінде орналастырылған
3. Өтініш қанша уақытта қаралады?
Құжаттар толық көлемде ұсынылған және кандидат Қазақстан Республикасы заңнамасының талаптарына сәйкес келген жағдайда, өтінішті қарау мерзімі 14 күнтізбелік күннен аспайды.
4. Мүшелік жарнаның мөлшері қандай?
Мүшелік жарналардың өзекті мөлшерімен «Мүшелік» → «Мүшелік жарналар» бөлімінде таныса аласыз.
5. Палата мүшесі болмай-ақ оқыту іс-шараларына қатыса аламын ба?
Палатаның білім беру іс-шаралары тек KazBar мүшелеріне арналған. Палатаға мүше болғаннан кейін Сіз семинарларға және өзге де білім беру іс-шараларына қатыса аласыз, сондай-ақ серіктестеріміздің арнайы ұсыныстарын, оның ішінде шетелдегі оқу бағдарламалары мен тағылымдамаларды пайдалана аласыз. Жаңалықтарымызды қадағалаңыз!
