Забих Шолпан Арапбайқызы – кәсіби қызметінде 22 жылдан астам тәжірибесі бар заңгер, заң ғылымдарының докторы.

Азаматтық, азаматтық іс жүргізу, корпоративтік, еңбек және халықаралық құқық салаларында маманданған. Көлік құқығы (оның ішінде авиациялық қызмет, жүк тасымалдау және логистика) және конституциялық құқық салаларында терең білімге ие. Ұйымдардың қызметін кешенді құқықтық қамтамасыз ету және күрделі құқықтық дауларды шешу бойынша жоғары деңгейдегі сараптамалық тәжірибесі бар.
Ірі ұйымдар мен холдингтерде, оның ішінде азаматтық авиация және білім беру салаларында, сондай-ақ мемлекеттік органдарда басшылық қызметтерде жұмыс тәжірибесі бар. Клиенттерге даулардың барлық кезеңдерінде — құқықтық тәуекелдерді бағалау мен құқықтық стратегияны әзірлеуден бастап, сотта өкілдік ету және дауды реттеуге дейін кеңес береді. Шарттарды әзірлеу және құқықтық сараптама жүргізу, мәмілелерді сүйемелдеу жұмыстарын жүзеге асырады, мемлекеттік органдармен және халықаралық серіктестермен тиімді өзара іс-қимыл орнатады. Құқықтық мәселелердің кең ауқымы және бизнесті дамыту мәселелері бойынша талдамалық материалдар дайындайды.

Практикалық тәсілімен және күрделі құқықтық жағдайларда тиімді шешімдер таба білуімен танылған.
25 жылдан астам уақыт бойы ғылыми-педагогикалық қызметпен айналысады, Әл-Фараби атындағы Қазақ ұлттық университеті, Қазақстан инновациялық және телекоммуникациялық жүйелер университеті және Narxoz University заң факультеттерінің азаматтық құқық және азаматтық іс жүргізу кафедраларында доцент және профессор қызметтерін атқарған (қазақ, орыс және ағылшын тілдерінде дәріс береді).
3 монография мен 2 оқу құралының авторы, сондай-ақ халықаралық дерекқорларда (Scopus) индекстелетін ғылыми мақалаларды қоса алғанда, ғылыми жарияланымдардың авторы. Түркия мен Польшада өткен халықаралық конференциялардың қатысушысы және спикері.
Кәсіби қызметінде жауапкершілік, құпиялылық және нәтижеге бағдарлану қағидаттарын ұстанады. Қазіргі уақытта АҚШ-та кәсіби білімін жетілдіруде.

• Жоғары заңгерлік білім — Д.А. Қонаев атындағы Еуразиялық заң академиясы («құқықтану» мамандығы).
• Әл-Фараби атындағы Қазақ ұлттық университетінде «журналистика» мамандығы бойынша жоғары білім алған.
• Заң ғылымдарының докторы.

25 жыл кәсіби тәжірибесі бар, оның ішінде мемлекеттік органдарда, корпоративтік секторда, бизнес құрылымдарында, халықаралық және білім беру ұйымдарында жұмыс істеген.

Әр жылдары келесі лауазымдарды атқарған:

• Ақтөбе қаласы және Ақтөбе облысы әкімінің аппаратында аға және бас маман (1996-1999);
• Қазақстан Республикасы Бас прокуратурасында бөлім бастығы, республикалық қоғамдық-саяси, ғылыми-құқықтық «Заң және уақыт» журналының бас редакторы және баспагері (2001-2009);
• «Заң және уақыт – Медиа» ЖШС директоры (2003 ж. 2009 ж. желтоқсанға дейін) ;
• «Алматы халықаралық әуежайы» АҚ құқықтық қамтамасыз ету жөніндегі атқарушы директоры (2010 ж. 2016 ж. маусымға дейін) ;
• ZAN Company халықаралық заң компаниясының кеңесшісі (2017-2018);
• Қазақ-Америка университетінің директоры, академиялық мәселелер жөніндегі проректоры және қауымдастырылған профессоры(2018-2019) ;
• Қазақстанның жетекші жоғары оқу орындарында (Әл-Фараби атындағы Қазақ ұлттық университеті, Қазақстан инновациялық және телекоммуникациялық жүйелер университеті, Narxoz University) азаматтық құқық және азаматтық іс жүргізу кафедраларында оқытушы, доцент және профессор (2001-2023гг.). Қазақстан инновациялық және телекоммуникациялық жүйелер университеті (2016 жылдан қазіргі уақытқа дейін).

Заң бөлімшелерін басқару, ірі ұйымдардың қызметін құқықтық қамтамасыз ету, сондай-ақ мемлекеттік органдармен және халықаралық серіктестермен тиімді өзара іс-қимыл орнату бойынша елеулі тәжірибесі бар.

Publications indexed in Scopus (Elsevier); author profile available under Zabikh Sholpan A.

1. Шарттық базаны әзірлеуді, құқықтық тәуекелдерді басқаруды және мемлекеттік органдармен өзара іс-қимылды қоса алғанда, азаматтық авиация саласындағы ірі ұйымның қызметін құқықтық сүйемелдеу.
2. Құқықтық позицияны әзірлеуді, келіссөздер жүргізуді және клиенттің мүдделерін сотта ұсынуды қоса алғанда, күрделі құқықтық дауларды, оның ішінде халықаралық компаниялардың қатысуымен шешуге қатысу.
3. Шарттарды дайындау мен сараптаманы, сондай-ақ корпоративтік және еңбек құқығы мәселелері бойынша құқықтық кеңес беруді қоса алғанда, коммерциялық мәмілелерді кешенді құқықтық сүйемелдеу.