Ақпараттық және цифрлық, корпоративтік және коммерциялық құқық саласында маманданған, TMT және қаржы секторларына ерекше назар аударады.

Оның жұмысының елеулі бөлігі FinTech жобаларын заңдық сүйемелдеуге және клиенттерге цифрлық экономиканы реттеу, цифрландыру, трансшекаралық төлемдер, блокчейн, криптовалюта мен цифрлық активтер, бағдарламалық жасақтама, деректерді басқару және ақпаратты өңдеу, сондай-ақ зияткерлік меншік және монополияға қарсы заңнама мәселелері бойынша құқықтық қолдау көрсетуге бағытталған. Зияткерлік меншік, коммерциялық қызмет және технологиялармен байланысты мәмілелер саласында кешенді зерттеу жүргізу тәжірибесі бар.

Кирилл клиенттерге Қазақстанда және АХҚО юрисдикциясында бизнесті құру, тіркеу, жүргізу мәселелері бойынша белсенді түрде кеңес береді. Экономиканың әр түрлі секторындағы ірі компаниялардың M&A мәмілелерін заңдық сүйемелдеуге және due diligence жүргізуге тұрақты түрде қатысады.

AEQUITAS заң фирмасында 2021 жылдан бастап жұмыс істейді. Кириллдің клиенттері қатарында жетекші халықаралық компаниялар, төлем жүйелері мен банктер, соның ішінде Meta, Chevron, BrokerCreditService, КаР-Тел, Turkish Aerospace, Bitfury, Experian, Coinhub, Visa, ЕАБР, Mitsubishi Motors, QIWI, KONE бар.

AEQUITAS заң фирмасының Қазақстандағы Еуропалық бизнес қауымдастығындағы (Eurobak) мүшелігі шеңберінде Кирилл 2023 жылға Цифрлық комитеттің атқарушы командасының мүшесі болып сайланды және тең төраға ретінде қызмет атқарып, технологиялар негізіндегі инновацияларды дамыту, киберқауіпсіздік, электрондық коммерция, бұлттық технологиялар және Цифрлық комитет талқылайтын басқа да көптеген мәселемен айналысты.

• 2017-2021        "Әділет" жоғары құқық мектебі, құқық бакалавры (үздік дипломмен бітірген), Қазақстан
• 2014-2017        Каспий университетінің жанындағы "Әділет" колледжі (үздік дипломмен бітірген), Қазақстан

• 2025-қ/у            "AEQUITAS" заң фирмасы – аға заңгер
• 2021-2024         "AEQUITAS" – заң фирмасы – заңгер
• 2019-2021         Ю.Г. Басин атындағы заң клиникасы – клиницист
• 2019-2020         "Қазақстан Тұтынушылар Лигасы" қауымдастығы" ЗТБ – заңгер

Зияткерлік меншік және TMT саласындағы Көрнекті заңгер; Банк және қаржы құқығы саласындағы, сондай-ақ жылжымайтын мүлік пен құрылыс саласындағы Ұсынылатын заңгер (The Legal 500, 2026)
 
M&A саласындағы Өсіп келе жатқан жұлдыз (IFLR 1000 2025)
 
Корпоративтік құқық және M&A саласындағы Өсіп келе жатқан жұлдыз (asialaw 2025)

Цифрлық құқық

• Қазақстан Республикасы аумағында электрондық құжат айналымын реттеу, интернет-ресурстарды құру және тіркеу мәселелері бойынша тұрақты түрде консультация беру.
• Қазақстан Республикасы аумағында цифрлық активтерді реттеу мәселелері бойынша құқықтық қорытындылар дайындау.
• Трансұлттық холдингке Қазақстан Республикасы аумағында NFT өнімдерін шығару және реттеу мәселелері бойынша консультация беру.
• АХҚО юрисдикциясында криптовалюта биржасын тіркеу мәселелері бойынша консультация беру.
• Шетелдік криптовалюта биржаларына Қазақстанда криптовалюталар мен NFT жарнамалау мәселелері бойынша консультация беру.
• Блокчейн-компанияларға криптовалютамен алынған пайданы бөлу мәселелері бойынша заңдық қолдау көрсету.
• Трансұлттық компанияға Қазақстандағы мобильді операторда альфа-атауды өзгерту мәселесі бойынша консультация беру.
• Қазақстан аумағына ақпаратты криптографиялық қорғау құралдарын (АКҚҚ) әкелу мәселелері бойынша консультация беру.
• Алаяқтыққа қарсы іс-қимыл саласындағы (anti-fraud, антифрод) жаңа IT-өнімді Қазақстан нарығына шығару мәселелері бойынша заңдық қорытынды дайындау.

Корпоративтік құқық

• Акционерлік қоғамды (АҚ) тіркеу, соның ішінде құрылтай құжаттарын, акциялар эмиссиясы проспектісін дайындау, акцияларды алдын ала төлеу және АҚ-ға бағалы қағаздар нарығында қызметті жүзеге асыруға арналған лицензияны алу.
• АХҚО-да қаржы компанияларын тіркеу және АХҚО қатысушыларына Astana International Exchange (AIX) мүшелігін алу.
• Заңды тұлғаларды тіркеу, қайта ұйымдастыру, тарату, шетелдік компаниялардың филиалдары мен өкілдіктерін есептік тіркеуден шығару жобаларына қатысу.
• Халықаралық банктерге корпоративтік мәселелер және кредит желістерін ұсыну мәселелері бойынша консультация беру.

M&A

• Қазақстан құқығы бойынша бірігу, қосып алу, ірі активтерді сатып алу/сату және бірлескен кәсіпорындар құру жобаларын құрылымдауға және заңдық сүйемелдеуге қатысу, соның ішінде мәмілелер бойынша заңдық құжаттаманы: акцияларды/үлестерді сатып алу-сату шарттарын, корпоративтік шарттарды, жарғыларды және т.б. дайындау және келісу.
• Экономиканың әр түрлі секторындағы қазақстандық компанияларға заңдық тексеру (due diligence) жүргізу.
• Мәмілелерді жүзеге асыруға монополияға қарсы органның келісімін алу (экономикалық шоғырландыруға келісімін алу).

Басқа жобалары

• Ақпараттық, өнеркәсіптік қауіпсіздік, рұқсат құжаттамасын қайта рәсімдеу, трансферттік баға белгілеу және дербес деректер мәселелері бойынша заңдық қорытындылар дайындауға қатысу.
• Шетелдік технологиялық орталыққа Қазақстан Республикасының Үкіметіне әскери ұшқышсыз ұшатын аппараттарды (ҰҰА) жеткізу мәселелері бойынша консультация беру.
• Әр түрлі компанияларға опциондар беру туралы келісімдерді дайындау.
• Валюталық шарттарды Қазақстанның Ұлттық Банкінде тіркеу.