Антон еңбек, салық, азаматтық және әкімшілік құқық саласында маманданған. 14 жылдан астам тәжірибесі бар ол қазақстандық және шетелдік клиенттерге мәселелердің кең ауқымы бойынша кеңес беріп, Қазақстанда бизнесті тиімді құруға және қорғауға көмектеседі.

Еңбек заңнамасы мен еңбекті қорғау саласында терең сараптама жасауының, сондай-ақ мемлекеттік еңбек инспекторы ретіндегі жұмыс тәжірибесінің арқасында Антон мемлекеттік бақылау тетіктерін бірегей деңгейде түсінеді. Бұл оған тексеру жүргізу, жазатайым оқиғаларды тергеп-тексеру және кәсіподақтармен өзара әрекеттесу кезінде клиенттердің мүдделерін тиімді қорғауға мүмкіндік береді. Ол еңбек қатынастарын құрылымдау, дауларды шешу және жұмыстан шығару кезінде оңтайлы шешім табуды қоса алғанда, еңбек құқығы бойынша күрделі істерді заңдық сүйемелдейді.

Бұдан бөлек, Антон сертификатталған салық консультанты болып табылады және салық заңнамасын өте жақсы меңгерген. Ол мәмілелерді заңдық сүйемелдейді және салық салу мәселелері бойынша жергілікті, сол сияқты шетелдік компанияларға консультация береді.

Оның жұмысының жеке бағыты – сот тәжірибесі. Антонның кең ауқымды процестік тәжірибесі бар және ол азаматтық, еңбек және әкімшілік дауларға, соның ішінде ӘРПК бойынша істерге ерекше назар аударады. Оның азаматтық процестік заңнаманы терең білуі тиімді қорғаныс стратегияларын әзірлеуге, сондай-ақ құқықтық және процестік жағынан аса күрделі, ерекше шешімдерді қажет ететін істерде оң нәтижеге қол жеткізуге мүмкіндік береді.
Жоғарыда аталған қасиеттер үйлесімінің арқасында Антон AEQUITAS заң фирмасының кез келген жағдайда тамаша нәтижеге қол жеткізіп, клиенттерімізге сенімді құқықтық қорғауды қамтамасыз ете алатын біліктілігі жоғары заңгерлер ұжымының құнды мүшесі болып табылады.

• 2012-2015         М. Қозыбаев атындағы Солтүстік Қазақстан мемлекеттік университеті, құқық бакалавры, Қазақстан
• 2006-2009         М. Қозыбаев атындағы Солтүстік Қазақстан мемлекеттік университеті, қаржы саласындағы бакалавр, Қазақстан
• 2004-2006         Солтүстік Қазақстан университетінің Колледжі, бухгалтерлік есеп және аудит саласындағы бакалавр, Қазақстан

• 2019-қ/у            "AEQUITAS" заң фирмасы – аға заңгер
• 2017-2019         "Договор 24" заң компаниясы – заңгер
• 2011-2016         Солтүстік Қазақстан облысы бойынша Мемлекеттік еңбек инспекциясы басқармасы – мемлекеттік еңбек инспекторы

Салық және кеден құқығы саласындағы Ұсынылатын заңгер (The Legal 500, 2026)

Еңбек құқығы

• Қазақстандағы еңбек қатынастарын реттеу, соның ішінде тексеру жүргізудің заңдылығы, әкімшілік жауапкершілікке тарту мәселелері бойынша консультация беру.
• Еңбек қатынастарын реттейтін құжаттаманы әзірлеу, соның ішінде компанияларда кадрлар бөлімін нөлден бастап құру.
• Ішкі нормативтік құжаттар бойынша консультация беру, сондай-ақ оларды әзірлеу, еңбек қауіпсіздігі және еңбекті қорғау бойынша нұсқамалар өткізу.
• Кәсіпорындардағы ұжымдық еңбек дауларын реттеу.
• Мемлекеттік еңбек инспекциясы тексеру және жазатайым оқиғаларды тергеп-тексеру жүргізетін кезде заңдық сүйемелдеу және клиенттердің мүдделерін қорғау.
• Жұмыскерлермен келіссөз жүргізу және еңбек қатынастарын тоқтатуды заңдық сүйемелдеу.
• Шетелдік жұмыскерлерге жұмыс істеуге рұқсаттар мен уақытша тұруға рұқсаттар алу.
• Жұмыскерлер мен жұмыс берушілерге еңбек заңнамасының негіздері бойынша семинарлар өткізу және оқыту.

Корпоративтік құқық

• Компанияларға корпоративтік басқару, компанияларды, соның ішінде шетел қатысатын компанияларды тіркеу, қайта тіркеу, тарату мәселелері бойынша консультация беру.
• Компанияларды, соның ішінде қауымдастықтарды, қоғамдық бірлестіктерді тіркеуді, қайта тіркеуді жүргізу.
• Құрылтай құжаттарын және компаниялар мен олардың басқару органдары қызметінің әр түрлі аспектілерін реттейтін құжаттарды әзірлеу.
• Мәмілелер жасасу кезінде келіссөзде компанияларды құқықтық сүйемелдеу, жеткізу, сатып алу-сату, жалдау, мердігерлік және т.б. мәмілелер бойынша шарттарды талдау және олардың мүдделерін қорғау.
• Кәсіпорынның қызметі үдерісінде жасалатын әр түрлі азаматтық-құқықтық шарттарды, соның ішінде сатып алу-сату, жеткізу, цессия, қарыз, ақылы қызмет көрсету, жалдау, бірлескен қызмет туралы шарттарды әзірлеу.

Дауларды шешу

• Сотта еңбек даулары бойынша қазақстандық жұмыс беруші компаниялардың мүдделерін сәтті қорғау.
• Тексеру нәтижелері мен әкімшілік жазаларға жоғары тұрған органда және сот тәртібімен шағым жасау.
• Жеткізу, жалдау, қызмет көрсету шарттарынан туындайтын даулар бойынша, сондай-ақ дербес деректерді қорғау мәселелері бойынша шетелдік және қазақстандық компаниялардың мүдделерін сотта қорғау.
• Кінәрат-талап бойынша жұмыс, соның ішінде кінәрат-талаптарды дайындау, контрагентпен ауызша келіссөз жүргізу, даулы жағдайларды талдау.
• Сот ісін жүргізуге, азаматтық процеске байланысты әр түрлі мәселелер бойынша қазақстандық компанияларға консультация беру.
• Оңтүстік Кореяның ірі құрылыс компаниялары мен банктеріне Алматы қаласындағы APPLE TOWN тұрғын үй кешенінің құрылыс жобасына байланысты қаржыландыру және жер құқығы мәселелері бойынша консультация беру.