Корпоративтік, еңбек және шарттық құқық, дербес деректерді қорғау, сондай-ақ фармацевтикалық заңнама саласында маманданған. Өндірістік және сауда компанияларының қызметін құқықтық реттеу саласында, соның ішінде әртүрлі санаттағы тауарлардың өндірісі мен айналымының, сондай-ақ жарнамасының заңдық аспектілері бойынша тәжірибесі бар.

AEQUITAS фирмасында 2011 жылдан бері жұмыс істейді, AEQUITAS фирмасына келгенге дейін қазақстандық заң фирмаларының бірінде қызмет етті.
Дүниежүзілік банктің Doing Business және Women, Business and the Law рейтингісінде заңнама мониторингі бойынша респонденті болып табылады.

2007-2010         Каспий Университеті, құқық бакалавры, Қазақстан

• 2025-қ/у            "AEQUITAS" заң фирмасы – серіктес
• 2020-2025         "AEQUITAS" заң фирмасы – аға заңгер
• 2014-2020         "AEQUITAS" заң фирмасы – заңгер
• 2012-2014         "AEQUITAS" заң фирмасы – кіші заңгер
• 2011-2012         "AEQUITAS" заң фирмасы – заңгердің көмекшісі
• 2010-2011         "Реккон" заң фирмасы – заңгер

Коммерциялық, корпоративтік құқық және M&A саласындағы Ұсынылатын заңгер (The Legal 500 2026)

ЕҢБЕК ҚҰҚЫҒЫ. ДЕРЕКТЕРДІ ҚОРҒАУ ЖӘНЕ КИБЕРҚАУІПСІЗДІК

• Бірқатар ірі компанияға көші-қон заңнамасының, Қазақстанға шетелдік жұмыс күшін тарту тәртібінің мәселелері бойынша консультация беру.
• Ірі мұнай компаниясының менеджерлері қатарындағы қызметкермен еңбек қатынастарын штатты қысқарту тәртібімен тоқтату процесін бұл қызметкермен арадағы жанжалдан және оның жауап әрекетінен, сондай-ақ компанияның кадрлық құжаттамасындағы кемшіліктердің салдарынан күрделеніп кеткен жағдайда кешенді заңдық сүйемелдеу; оқиға өрбуінің әртүрлі сценарийіне дайындық жүргізу және компанияның мүддесін қорғаудың ең тиімді тәсілдері бойынша ұсынымдар әзірлеу, соның ішінде қызметкермен келіссөзде компанияның мүддесіне табысты түрде өкілдік ету, қысқарту рәсімінің қадамдық жоспарын дайындап, ықтимал құқықтық тәуекелді көрсету және оны барынша азайту бойынша ұсынымдар беру, қажетті (корпоративтік, еңбек және т.б.) құжаттарды әзірлеу және клиенттің қалауына бейімдеу.
• Ірі фармацевтикалық компанияға Қазақстандағы еншілес компаниясының басшылығын ауыстыру рәсімі бойынша өкілеттігі тоқтатылатын қызметкермен арадағы жанжалдан және оның жауап әрекетінен, сондай-ақ компанияның кадрлық құжаттамасындағы кемшіліктердің салдарынан күрделеніп кеткен жағдайда консультация беру; оқиға өрбуінің әртүрлі сценарийлеріне дайындық жүргізу және басшылықты шұғыл ауыстыру қажеттілігіне байланысты шетелдік бас компанияның мүддесін барынша тиімді қорғау тәсілдері бойынша ұсынымдар әзірлеу; басшылықты ауыстыру процесін заңдық сүйемелдеу, соның ішінде қажетті (корпоративтік, еңбек және т.б.) құжаттарды әзірлеу және клиенттің қалауына бейімдеу, клиенттің атынан және оның тапсырмасы бойынша бұрынғы басшымен еңбек қатынастарын тоқтату шарттары жөнінде келіссөз, сондай-ақ жаңа басшымен еңбек шартын жасасу және оның құпия ақпаратты жария етпеу туралы міндеттеме алуы бойынша келіссөз жүргізу.
• Ірі сауда компаниясына Қазақстандағы еңбек қатынастарының әртүрлі аспектілері бойынша консультация беру, соның ішінде: (i) компанияның ұзақ уақыт бойы аутсорсинг және аутстаффинг шарттарымен жұмыскерлер еңбегін пайдалануына байланысты; (ii) компанияда жұмыскерлердің жұмыс уақытын жұмыскерлердің жұмыс уақыты туралы тоқсан сайынғы есептердің негізінде есепке алу жүйесінің қолданылуына байланысты туындайтын; (iii) мүмкіндігі шектеулі жұмыскерлерді (мүгедектерді) жұмыспен қамтуға қатысты Қазақстан Республикасы заңнамасының талаптары компанияға таралатын кезде туындайтын тәуекелдерді бағалау, сондай-ақ аталған тәуекелдерді мүмкіндігінше төмендету бойынша ұсынымдар әзірлеу. Компанияның қарызға алынатын жұмыс күшін тарту, жұмыс уақытын есепке алу, мүмкіндігі шектеулі жұмыскерлерге еңбек жағдайларын қамтамасыз ету жөніндегі ішкі рәсімдерін Қазақстан заңнамасының талаптарына сәйкестігі тұрғысынан талдау.
• Қазақстанда USAID жобаларын іске асыратын ірі американдық компанияға оның қызметіне қолданылатын Қазақстан заңнамасының негізгі талаптары, соның ішінде, басқасына қоса, корпоративтік құқық, салық және еңбек құқығы мәселелері бойынша кешенді консультация беру; бір жобадан екіншісіне көшу кезінде еңбек қатынастарын рәсімдеу және жұмыскерлермен бұрын жасалған еңбек шарттарын өзгерту тұрғысында ұсынымдар жасау; тиісті еңбек құжаттарын әзірлеу.
• Ірі көлік-сауда компаниясына дербес деректерді қорғау, оларды жинау және сақтау тәртібі, дерекқорларды жергіліктендіру, дербес деректерді трансшекаралық табыстау мәселелері бойынша консультация беру, соның ішінде дербес деректерді жинауға және өңдеуге субъектілердің келісімін алу бойынша тәжірибелік ұсынымдар дайындау; Қазақстан заңнамасындағы соңғы өзгерістерді және қалыптасқан құқық қолдану тәжірибесін, сондай-ақ компанияның мүддесін барынша қорғау және дербес деректер субъектілерімен дау туындауының алдын алу үшін фирма заңгерлерінің үздік тәжірибелерін ескере отырып, дербес деректерді қорғау саласында құжаттар пакетін әзірлеу.
• Бірқатар шетелдік компанияға дербес деректерді жинау және өңдеу, сондай-ақ қорғау мәселелері, соның ішінде ақпараттандыру объектілерін дербес деректерді жинау, дерекқорларды жергіліктендіру және трансшекаралық табыстау үшін пайдалану мәселелері, Қазақстанның дербес деректерді қорғау туралы заңнамасының қолданылу аясы, компаниялардың заңнама талаптарын сақтауын тексеру тәртібі, осы саладағы бұзушылықтарды анықтау, қолданылатын жауапкершілік шаралары бойынша Қазақстан Республикасының заңнамасы мен қалыптасқан құқық қолдану тәжірибесіне сәйкес консультация беру, сондай-ақ сот тәжірибесіне шолу жасау.
• АХҚО-да тіркелген және Қазақстан аумағындағы дүкендер желісіне иелік ететін ірі парфюмерлік-косметикалық компанияға жұмыс берушінің сақтандыру компаниясымен тиісті шарт жасасуы арқылы жұмыскерлерді еңбек (қызметтік) міндеттерін орындау кезінде жазатайым оқиғалардан міндетті сақтандыру мәселелері, соның ішінде мұндай шарттың мазмұнына қойылатын талаптар, сақтандыру сыйлықақысы мен сақтандыру сомасының мөлшері, сақтандыру жағдайы туындаған кезде компанияның әрекет ету алгоритмі, сақтандыру саласындағы заңнама талаптары бұзылған жағдайда туындайтын жауапкершілік шаралары бойынша консультация беру.
• Әртүрлі тауар өндірушілерд шетелдік ірі компаниялардың Қазақстандағы еншілес компанияларына еңбек заңнамасы мәселелері бойынша консультация беру; компаниялардың еңбек құжаттамасына кешенді заңдық тексеру жүргізу, соның ішінде еңбек қатынастарының әртүрлі аспектілері бойынша сұрақтардың кең ауқымына жауаптар дайындау; компаниялар жұмыскерлермен еңбек қатынастарын рәсімдеу үшін пайдаланатын құжаттарды Қазақстанның қолданыстағы заңнамасына және қалыптасқан құқық қолдану іс-тәжірибесіне сәйкестендіру; еңбек құжаттарын, соның ішінде жұмыс режимі мен өзге де еңбек шарттарының әртүрлі опциялары көзделген, жұмыскерлердің әртүрлі санаттары, соның ішінде шетелдік, қашықтан жұмыс істейтін, уақытша және өзге де жұмыскерлердің болуы ескерілетін еңбек шарттарының түрлі нысандарын әзірлеу; жұмыскердің құпия ақпаратты жария етпеу туралы міндеттемесін; жұмыскерлердің толық материалдық жауапкершілігі туралы құжаттар пакетін; бейбәсекелестік туралы келісімді және  жұмыскермен мұндай келісім жасасу үшін қажетті құжаттарды, соның ішінде жұмыскерлердің компанияларда жұмыс істеу кезінде және олармен еңбек қатынастары тоқтатылғаннан кейін бәсекелес ұйымдарға жұмысқа тұруын шектеу бойынша қарым-қатынас орнату бойынша компаниялардың ішкі тәсілдемелерін, сондай-ақ жұмыскердің мұндай шектеулерді сақтағаны үшін қаржылық сыйақы төленуін ескеріп әзірлеу.
• Әртүрлі компанияларға дерекқорларды жергіліктендіру жөніндегі талаптар бойынша консультация беру, сондай-ақ дербес деректерді қорғау туралы талаптарды сақтау үшін міндетті құжаттар пакетін және шарттық ережелерді әзірлеу.
• Бірқатар компанияның дербес деректерді қорғаудың және өңдеудің ішкі жүйесіне құқықтық аудит жүргізу, осы саладағы құжаттаманы дайындау, корпоративтік саясаттарды жергілікті заңнамаға сәйкестендіру.
• Жаһандық compliance қызметінің талаптарын ескере отырып, дербес деректерді қорғау саласында бірқатар компанияға жеке құжаттар пакетін әзірлеу, шетелдік мамандарды жұмысқа жалдауды ескере отырып стандарттан тыс шарттарды әзірлеу.
• Ірі шетелдік компаниялардың Қазақстан Республикасы аумағындағы еншілес заңды тұлғалары мен құрылымдық бөлімшелерінде басшылықты ауыстыру процесін кешенді заңдық сүйемелдеу, соның ішінде қажетті құжаттарды (корпоративтік, еңбек және т.б.) әзірлеу және клиенттің қалауына бейімдеу; бұрынғы басшылармен даулы қатынастарды реттеу; компанияның бірінші басшысын лауазымға уақытша тағайындауды заңдық сүйемелдеу; басшылықтың ауысқаны туралы мемлекеттік органдарды хабардар ету.
• Қалып және құрылыс ағашын жасайтын жабдық өндіруші аса ірі компаниялардың бірінің Қазақстандағы еншілес компаниясына қатысушылар құрамын өзгерту рәсіміне және осыған орай бірінші басшымен жасалған еңбек құжаттарын қайта ресімдеуге қатысты консультация беру; қатысушылар құрамы мен басшылықты ауыстыру процесін толық заңдық сүйемелдеу, соның ішінде қажетті құжаттарды (корпоративтік, еңбек және т.б.) әзірлеу және клиенттің қалауына бейімдеу, осы орайда заңды тұлға басшысының құзыретін шектеу мақсатымен компанияның жарғысына немесе еншілес компания басшысының еңбек шартына корпоративтік шектеулер мен арнайы корпоративтік келісулер енгізу; компанияның кез келген құжаттарына "қос" қол қоюды ("төрт көз қағидасын") енгізу үшін жарғыға және басшының еңбек шартына тиісті ережелер енгізу және басқа да корпоративтік реттеуші құжаттар қабылдау арқылы жағдай туғызу; компанияның атынан Қазақстандағы еншілес компания басшысымен бонустық жүйе шарттарын және басшыға ынталандыру төлемдерін жасау тәртібін келісу.
• Бизнестің әртүрлі бағыттарындағы компанияларға, соның ішінде IT, фармацевтика, автомобиль бизнесі саласындағы бірқатар ірі шетелдік компанияға Қазақстанда дербес деректерді қорғауды құқықтық реттеу мәселелері бойынша консультация беру; Қазақстандағы әрбір ұйымда болуы тиіс дербес деректер жөніндегі қажетті құжаттарды әзірлеу және компаниялардың ішкі бизнес-процестері мен қажеттіліктеріне бейімдеу.
• Қазақстанның фармацевтика нарығындағы жетекші компаниялардың біріне ірі халықаралық фармацевтикалық компаниямен бірігуі аясында дженерик препараттарының әлемдік ірі өндірушісінің Қазақстандағы бөлімшесінде штат пен жұмыскерлер санын жаппай қысқарту қажеттілігі туындаған жағдайда консультация беру және еңбек қатынастарын тоқтатудың мүмкін нұсқаларын іздеу шеңберінде, соның ішінде жұмыстан босату күнін кейінге қалдырумен еңбек шарттарын тоқтату бойынша қажетті еңбек құжаттарын дайындау.
• Қазақстанның көші-қон және еңбек заңнамасының талаптарын сақтай отырып, шетелдік қызметкердің екі басшы лауазымын қоса атқару тәртібімен жұмысты орындауын қамтамасыз ететін ерекше талаптар көзделген еңбек шарттарын дайындау.
• Жаһандық креативтік продюсерлік компанияға оның қазақстандық еншілес компаниясының қатысушылар құрамының өзгеруіне, басқару органдарын қайта құрылымдауға, басшы қызметкерлерді жұмысқа жалдау барысында туындайтын еңбек қатынастарына қатысты құқықтық салдар мен тәуекелге қатысты консультация беру, соның ішінде қажетті құжаттарды (корпоративтік, еңбек және т.б.) әзірлеу және клиенттің қалауына бейімдеу; клиенттің атынан және оның тапсырмасы бойынша басшымен және оның орынбасарымен жұмысқа қабылдау шарттары бойынша келіссөз жүргізу; компаниядағы ерекше корпоративтік басқару құрылымын көрсететін еңбек құжаттарын дайындау.
• Ірі мұнай компаниясына құқық тұрғысынан алғанда және клиенттің мүддесін ескере отырып, шетелдік қызметкерлердің әртүрлі юрисдикцияларда орналасқан екі жұмыс берушінің пайдасына кезектесіп, қашықтан немесе бетпе-бет форматта жұмысты атқаруы, шетелдік қызметкерлердің жұмысты орындау кезінде Қазақстан Республикасы аумағында тұрақты тұрып, мезгіл-кезгіл басқа елге іссапарға шығуы мақсатында қызметкерлерді Қазақстандағы және шетелдік филиалдар арасында ауыстыру шеңберінде тараптардың құқықтық қатынастарын рәсімдеудің мүмкін нұсқалары; жоғарыда аталған құқықтық қатынастарды іске асыру кезінде салық, азаматтық, еңбек, көші-қон, лицензиялау заңнамасы тұрғысынан туындайтын құқықтық тәуекел мәселелері; мұндай тәуекелдерді азайту жолдары бойынша консультация беру.
• Еңбек шарттарының қолданылу кезеңінде және тоқтатылғаннан кейін жұмыс беруші компаниялардың мүдделерін қорғау мақсатында басшы қызметкерлер үшін бейбәсекелестік туралы келісімдерді әзірлеу.
• Сервистік және фармацевтік компанияларға жұмыскерлерді, соның ішінде елде төтенше жағдай енгізілуіне, Қазақстандағы эпидемиологиялық ахуалдың салдарынан өзін-өзі оқшаулау режиміне (атап айтқанда, COVID-19 пандемиясына байланысты) көшу шеңберінде қашықтан атқарылатын жұмысқа ауыстыру мәселелері бойынша консультация беру; ұйым ішінде қашықтан атқарылатын жұмысқа ауыстыруды тиісінше ресімдеу және реттеу үшін қажетті құжаттарды әзірлеу.
• Ірі фармацевтикалық компанияға жұмыскердің пайдалануына берілген корпоративтік автокөліктің орналасқан жерін бақылайтын телеметрия құралдарын жұмыс берушінің қолдануының заңдылығы мәселелері бойынша консультация беру; мұндай әрекеттердің жұмыскердің жеке өмірі туралы ақпаратты жинау және оның жеке өмірге қол сұғылмаушылыққа конституциялық құқығын бұзушылық, сондай-ақ жұмыскердің дербес деректерін жинау және өңдеу тәсілі ретінде саралануына байланысты тәуекелдерді азайту бойынша ұсынымдар әзірлеу.
• Сервистік компанияға еңбек құқығының әртүрлі мәселелері, соның ішінде жұмыскерлер өкілдерінің өкілеттіктері, алимент төлемдеріне байланысты жұмыскерлердің жалақысынан ұстап қалу тәртібіне қатысты мәселелер бойынша консультация беру; әртүрлі санаттағы жұмыскерлерге еңбек шарттарының жобаларын әзірлеу; компанияның кадрлық құжаттарына талдау жүргізу.
• Күнделікті қажетті тауарлардың логистикасы және дистрибуциясы саласындағы қызметті жүзеге асыратын компаниялар тобына кіретін Қазақстанның заңды тұлғасына еңбек құқығының әртүрлі мәселелері бойынша консультация беру, соның ішінде, басқасына қоса, бірінші басшымен еңбек қатынастарын қалыптастыру, бұйрықтарға қол қою өкілеттіктерін кадрлық әкімшілендіру және компанияның бірінші басшысы мен кадр қызметі арасында бөлу, жоспарланып отырған ұйымдық өзгерістерге және компанияның басқару құрылымын оңтайландыруға байланысты менеджер деңгейіндегі қызметкерлермен еңбек қатынастарын тоқтату шарттары және олардың лауазымдық міндеттерін қайта бөліп, басқа қызметкерлерге жаңартылған лауазымдық нұсқаулықтарды шығару, бизнес жүргізу барысында кәсіподақ органдарымен, кәсіпкерлік органдарымен және атқарушы органдармен қарым-қатынас орнату, соның ішінде әкім аппаратымен, жұмыс берушімен және кәсіподақтар одағының арасында өндірістік процестерді тұрақтандыру, еңбек құқықтарын қамтамасыз ету және жұмыскерлерді еңбекпен қамту мәселелері бойынша өзара түсіністік туралы меморандумға қол қою; компанияда жеке еңбек дауларын сотқа дейін қарау жөніндегі тұрақты органды (келісу комиссиясын) құру процесін құқықтық сүйемелдеу, соның ішінде келісіс комиссиясын құру және оның толыққанды жұмыс істеуі үшін қажетті құжаттарды әзірлеу.
• Шетелдік сервистік компанияға Қазақстандағы бөлімшелеріне әсер ететін жаһандық деңгейде бизнесін қайта ұйымдастыруына байланысты еңбек мәселелері, соның ішінде жұмыс беруші компания атауының өзгеруіне байланысты туындайтын еңбек қатынастарына қатысты құқықтық салдар мен тәуекел бойынша консультация беру, жұмыскерлердің лауазымдық өкілеттіктерін растайтын сенімхаттарды қайта ресімдеу және жұмыскерлердің еңбек құжаттарына өзгеріс енгізу, жұмыскерлерді компанияның басқа бөлімшесіне ауыстыру, қайта ұйымдастыру процесін кәсіподақ ұйымымен және еңбек ұжымының өзге де өкілді органдарымен келісу жағынан заңдық сүйемелдеу.
• 2015 жылғы Қазақстан Республикасы Еңбек кодексінің қабылдануына және 2017 жылы шетелдік жұмыс күшін тарту туралы заңнама мен көші-қон заңнамасының жаңартылуына байланысты еңбек қатынастарын және еңбек қатынастарына байланысты қатынастарды құқықтық реттеудің күрделі мәселелері бойынша семинарлар өткізу, соның ішінде: Қазақстанның еңбек заңнамасына және проблемалық мәселелер бойынша құқық қолдану (соның ішінде сот) тәжірибесіне шолу; клиент моделдеген даулы жағдайларды талдау; елеулі мәселелер мен тәуекелдерді, сондай-ақ Қазақстанның жаңартылған еңбек заңнамасын қолдануға байланысты мәселелерді шешу жолдарын қарастыру.

ДЕНСАУЛЫҚ САҚТАУ, МЕДИЦИНА ЖӘНЕ ФАРМАЦЕВТИКА

• Ірі фармацевтикалық компанияларға Қазақстандағы фармацевтік қызметті реттеу мәселелері бойынша, соның ішінде дәрілік заттарды, медициналық бұйымдарды жарнамалау, таңбалау, ресімдеу және тіркеу, Қазақстан Республикасының ақпараттандыру, зияткерлік меншікті қорғау, дербес деректер және оларды қорғау, қылмыстық және әкімшілік жауапкершілік туралы заңнамасының талаптарын және заңнаманы бұзғаны үшін санкция қолданудың қазіргі тәжірибесін ескере отырып, медицина және фармацевтика қызметкерлерінің осы өнімдерді алға жылжытуға қатысуының рұқсат етілген әдістері мен сұлбалары, медицина қызметкерлерінің әртүрлі маркетингтік іс-шаралар өткізуі, фармацевтикалық компанияның интернет-ресурсына (веб-сайтына) қол жеткізу және веб-сайтқа кірушілердің оны пайдалануы үшін жағдай жасау мәселелері бойынша консультация беру; компанияның стандартты операциялық рәсімдеріне Қазақстан заңнамасына сәйкестігі жағынан талдау жасау.
• Ірі фармацевтикалық компанияға Қазақстан Республикасы аумағында маркетингтік науқандарды / өнімді алға жылжыту қызметін ұйымдастыруға және осыған байланысты тәуекелдерге қатысты, соның ішінде дәрілік заттарды жарнамалау мен алға жылжыту этикасы мәселелері, сыбайлас жемқорлыққа қарсы талаптар, дербес деректерді қорғау, орындаушымен жасалған шарттық қатынастардың еңбек қатынастары деп танылу тәуекелі, Қазақстанда тұрақты мекеме құру және жоғарыда аталған қызметті жүзеге асыру кезінде туындайтын өзге де салықтық тәуекелдер бойынша кешенді консультация беру; компания жоспарлап отырған қызметтің бизнес-модельдерін тәуекел деңгейі тұрғысынан бағалау.
• Ірі фармацевтикалық компанияға Қазақстан Республикасында дәрілік заттарға зияткерлік меншік құқықтарын (патенттік құқықтарды) қорғау бойынша; Қазақстан Республикасының ұлттық заңнамасына, ұлттық заңнамадан жоғары тұратын ЕАЭО заңнамасына және қолданылатын тиісті халықаралық фармацевтік іс-тәжірибе қағидаларына сәйкес тиісті зерттеу ерекшеліктеріне баса назар аудара отырып, Қазақстанда клиникалық сынақ жүргізу, соның ішінде клиникалық сынақтарды обсервациялық зерттеулермен салыстырмалы талдау жасау; әлеуметтік маңызы бар және орфандық аурулардың алдын алу мен емдеуге арналған препараттарды қайырымдылық-сынақ мақсатында пайдалану мәселелері; генетикалық үлгілерді жинау және экспорттау тәртібі; клиникалық зерттеу барысында дербес және өзге де деректерді жинау және сақтау тәртібі; клиникалық зерттеу тараптарының (клиникалық база, зерттеуші, демеуші, зерттелуші және тапсырыс беруші) арасындағы келісімдердің Қазақстанда қалыптасқан тәжірибеге тән ерекшеліктері бойынша  консультация беру.

ШАРТТЫҚ ҚҰҚЫҚ

• Бірқатар компанияға коммерциялық қызметті құқықтық реттеудің әртүрлі мәселелері, соның ішінде Қазақстан аумағына жабдықты әкелуге және пайдалануға, үй-жайларды жалдауға байланысты мәселелер бойынша тұрақты түрде консультация беру; әртүрлі шарт жобаларын әзірлеу.
• Ірі фармацевтикалық компанияның қолданыстағы шарттарының ережелерін Қазақстан заңнамасына және компанияның ішкі саясаты мен рәсімдеріне сәйкестендіру мақсатында олармен жұмыс жүргізу; шарттар мен оларға қосымша келісімдерді келісу және қол қою процесін заңдық сүйемелдеу.

РЕТТЕУШІЛІК КОМПЛАЕНС. M&A

• Ірі шетелдік компаниялардың жанама бақылау алуы мақсатында ірі қазақстандық холдингтік компанияға, бірқатар қазақстандық компанияларға құжаттық заңдық тексеру жүргізу.
• Тау-кен өндіру және өңдеу өнеркәсібіндегі қызметті жүзеге асыратын бірқатар қазақстандық компанияны немесе оларға тиесілі құқықтарды шетелдік инвесторлардың сатып алуы мақсатында осы компанияларға толық және шектеулі құжаттық заңдық тексеру жүргізу.
• Дженерик өндірушінің қазақстандық бөлімшесінің ірі халықаралық фармацевтикалық компаниямен бірігуі шеңберінде оған құжаттық заңдық тексеру жүргізу.
• Дженерик препараттар өндіруші ірі фармацевтикалық компанияның қызметі мен ішкі ортасына Қазақстан заңнамасына сәйкестігі тұрғысынан кешенді заңдық тексеру жүргізу, соның ішінде компанияның стандартты операциялық рәсімдерін, саясаттарын және қызметін реттейтін ішкі құжаттарын, үшінші тұлғалармен қатынастары ресімделген құжаттарды талдау; медициналық және фармацевтік қызмет саласындағы сыбайлас жемқорлық сипатындағы құқықбұзушылық үшін қылмыстық және әкімшілік жауапкершіліктің әртүрлі мәселелері бойынша заңнаманы кешенді талдау және клиентке консультация беру; компанияның бизнес-процестеріне бейімделген дербес деректерді қорғау жөніндегі талаптардың сақталуы үшін құжаттарды әзірлеу.
• Ірі шетелдік компанияға осы компанияның Қазақстандағы бизнесін қайта құрылымдау жобасы шеңберінде жылжитын және жылжымайтын мүлікті табыстау мәселелері бойынша консультация беру.

КОРПОРАТИВТІК ҚҰҚЫҚ

• Қазақстандық компанияларды, сондай-ақ шетелдік компаниялардың құрылымдық бөлімшелерін тіркеу, қайта тіркеу және құрылтай құжаттарына өзгерістер енгізу мәселелері бойынша консультация беру және мүдделеріне өкілдік ету.
• Ішкі басқарудың әртүрлі мәселелері, сондай-ақ еншілес қазақстандық компаниялар мен құрылымдық бөлімшелердің басқару құрылымын жетілдіру мақсатында құрылтай құжаттарын өзгерту мәселелері бойынша консультация беру.
• Ірі көлік холдингіне және бірқатар шетелдік компанияға әлемдегі геосаяси жағдайдағы өзгерістерге байланысты бизнесті Қазақстанға көшіру мәселелері, мұндай процеске байланысты құқықтық тәуекел, соның ішінде: Қазақстанның қазіргі жағдайы мен даму деңгейі; Қазақстан Республикасы аумағында заңды тұлғаларды құру және олардың мүмкін ұйымдық-құқықтық нысандары; қызметті бастау үшін қажетті тіркеуден кейінгі рәсімдер; қызметкерлерді Қазақстанға ауыстыру және еңбек, көші-қон заңнамасының талаптарын сақтау; сондай-ақ өзге де байланысты мәселелер бойынша кешенді консультация беру.

БИЗНЕСТІ ЗАҢДЫҚ СҮЙЕМЕЛДЕУ. ӨНЕРКӘСІП ЖӘНЕ САУДА

• Сауда компаниясына Қазақстан Республикасының жарнама туралы заңнамасының талаптарына қатысты, атап айтқанда, жарнамалық материалдардың тілі және мұндай талаптарды бұзғаны үшін жауапкершілік мәселелері бойынша, соның ішінде жарнаманың тілі және онлайн-платформалардағы жарнамаға қатысты алғанда осы саланы реттейтін заңнамадағы соңғы өзгерістерді, сондай-ақ Қазақстандағы қалыптасқан құқық қолдану және сот тәжірибесін ескере отырып, консультация беру; компанияның орыс және қазақ тілдеріндегі жарнамалық материалдарының бейнеролик, аудиоролик және мәтіні бар кескін (баннер) түріндегі үлгілерін талдау.
• Ірі компанияға электрондық сауда және қашықтан жасалатын сауда шеңберінде, соның ішінде бизнестің әртүрлі модельдерін (Қазақстан аумағында және шетелде орналасқан байланыс орталығы арқылы) ескеріп, әлеуетті қазақстандық клиенттердің дербес деректерін жинау, сақтау, өңдеу мәселелері бойынша, тауарларды телевизия арқылы жарнамалауды ұйымдастыру, баға белгілеу, мұндай қызметке салық салу аспектілері, оған қолданылатын заңнама, қашықтан сатып алынған тауарды қайтарудың мүмкін нұсқалары, тұтынушылардың құқығын қорғаудың өзге де аспектілері бойынша консультация беру.
• Ірі шетелдік компанияға Қазақстандағы интернет-дүкен мен тапсырыстарды беру орындарының қызметін заңнамалық реттеу мәселелері бойынша кешенді консультация беру, соның ішінде Қазақстан Республикасында қатысудың ықтимал корпоративтік нысандарын салыстырмалы талдау; лицензиялау және өзге де рұқсат құжаттарын алу мәселелері; шарттық құрылмалар мен электрондық құжат айналымы нұсқалары; бизнесті салықтық құрылымдау мәселелері бойынша кеңес беру; сату, орнын ауыстыру, сақтау бойынша арнайы талаптар белгіленген тауарлардың жекелеген санаттарына (акцизделетін тауарлар, жануардан алынған өнімдер, темекі өнімдері және т.б.), сондай-ақ міндетті таңбалауға/қадағалауға жататын тауарлар бойынша таңбаламасы, тауар қозғалысы тұрғысында алғанда тауарлардың алуан түрлерінің айналымының ерекшеліктеріне қатысты қойылатын заңнама талаптарына шолу жасау; сауда үй-жайларына қойылатын санитарлық-эпидемиологиялық және өрт қауіпсіздігі талаптарын шолу; тұтынушылардың құқықтарын қорғау және сауда саласындағы заңнаманың жалпы талаптарына, соның ішінде тауарды қайтару, тауар қозғалысын құжат жүзінде ресімдеу, интернет-дүкен жұмысының өзге де аспектілеріне талдау жасау; интернет желісін пайдаланып қашықтан сатылатын тауарлардың (соның ішінде тамақ өнімдерінің) тізбесіне қатысты шектеудің бар-жоғы; еңбек қатынастарын қалыптастыру және Қазақстан Республикасы аумағында дербес деректерді жинау/өңдеу және қорғау мәселелері бойынша консультация беру.
• Қазақстан Республикасына ақпаратты криптографиялық қорғау құралдарын, деректерді интеграцияланған өңдеу және табыстау құрылғыларын әкелу үшін қажетті рұқсат құжаттамасын алу мәселелері бойынша консультация беру.
• Қазақстанда аяқ киім компаниясының бизнесін құру жобасын, соның ішінде оның еншілес заңды тұлғасын құру, қызметкерлермен еңбек қатынастарын рәсімдеу, ірі сауда орталықтарымен жалдау қатынастары, жекелеген салық салу мәселелері бойынша заңдық сүйемелдеу.
• Қазақстандағы тамақ өндірісін (өсімдік майлары) қайта құру жобасы шеңберінде арнайы мақсаттағы майларды, сондай-ақ майонезді, өсімдік майын және кетчуп өндіретін ірі шетелдік компанияға экология, өнеркәсіптік қауіпсіздік, табиғатты пайдалану, еңбек қауіпсіздігі және еңбекті қорғау, санитарлық-эпидемиологиялық амандық, фитосанитарлық бақылау, тамақ өнімдерінің қауіпсіздігі, оларды таңбалау, қаптау және сақтау, энергия үнемдеу, өрт қауіпсіздігі, жабдықты жаңғырту, тасымалдау, криптография туралы заңнама және өндірістік қызметтің басқа да аспектілері тұрғысынан зауыттың толыққанды және заңды жұмыс істеуі үшін қажетті рұқсаттар мен келісімдерге қатысты кешенді консультация беру.